Зачыні за сабою дзверы...
|
* * * Зачыні за сабою дзверы І маўчы. Будуць клікаць – не слухай, Не адказвай. Хай крычаць, зневажаюць, Толькі ты ім не вер. Не ідзі на спакусу, Будзь вышэй. Ведай: гнеў не народзіць дзіця, А нянавісць, бы вецер, Сярод вуліц цябе раскідае, І не знойдзеш адказ, Не набудзеш квіток На цягнік, што ідзе Сярод сноў у дзяцінства, Дзе жыла, Дзе было даражэй За прыемны пах грошаў І неонавы бляск, За карону і славу – Прачынацца у промнях святла. Зачыні за сабою дзверы І маўчы, Няхай будзе табе цішыня, Быццам песня матулі.
2006
|
|